5 mq tabletlər: ağ və ya demək olar ki ağ, dairəvi, hər iki tərəfi qabarıq, bir tərəfində “E 381” oyması olan, qoxusuz və ya demək olar ki, qoxusuz örtüklü tabletlərdir.

İSTİFADƏSİNƏ GÖSTƏRİŞLƏR:

Yüngül və orta ağır Altsheymer xəstəliyi diaqnozu qoyulmuş xəstələrdə demensiyanın simptomlarını müalicə etmək üçün istifadə olunur. Preparat yaddaşı və təfəkkür yaxşılaşdıra bilər.

ƏKS GÖSTƏRİŞLƏR:

Preparatın istənilən komponentinə və piperidin törəmələri kimi analoji vasitələrə qarşı yüksək həssaslıq.

UŞAQLARDA VƏ YENİYETMƏLƏRDƏ İSTİFADƏSİ:

Alzepil yalnız böyüklərə təyin edilir.

İSTİFADƏ QAYDASI VƏ DOZASI:

Dozalanma rejimi: məsləhət görülən doza gündə 1 dəfə 5 mq-dır. 1 aydan sonra həkim dozanı 10 mq-a qədər artıra bilər. Tövsiyə olunan maksimal sutkalıq doza 10 mq təşkil edir.

İstifadə qaydası: alzepil daxilə bir qədər su ilə və yatmazdan əvvəl qəbul olunur. Preparatın qəbulu qida qəbulundan asılı deyil, çünki qida qəbulu preparatın effektinə təsir etmir.

DOZA HƏDDİNİN AŞILMASI:

Preparatı sutka ərzində 10 mq-dan artıq qəbul etmək olmaz. Tövsiyə olunduğundan artıq doza qəbul edildiyi halda dərhal həkimə və ya yaxınlıqdakı xəstəxanın təcili yardım şöbəsinə müraciət etmək lazımdır.

Təsiredici maddə: 1 tabletin tərkibində müvafiq olaraq 5 mq və ya 10 mq donepezil hidroxlorid vardır.

Köməkçi maddələr: mikrokristallik sellüloza, az miqdarda əvəzedilmiş hidroksipropilsellüloza, maqnezium stearat, hipromelloza, titan dioksid, makroqol 400.