İstifadəsinə göstərişlər:

Amoksisillin uşaqlarda və böyüklərdə aşağıdakı infeksiyaların müalicəsində nəzərdə tutulmuşdur:

kəskin bakterial sinusit;

kəskin orta otit;

streptokokk mənşəli kəskin tonzillit və faringit;

xroniki bronxitin ağırlaşması;

xəstəxanadan kənar pnevmoniya;

kəskin sistit;

hamiləlikdə simptomsuz bakteriuriya;

kəskin pielonefrit;

tifo və paratifoid qızdırması;

dərialtı toxumaların iltihabı ilə müşayiət olunan dental abses;

protez oynaqların infeksiyası;

laym xəstəliyi;

Amoksisillin həmçinin endokarditin profilaktikasında göstərilir.

Əks göstərişlər:

Təsiredici maddəyə, penisillinlərə və preparatın tərkibində olan köməkçi maddələrdən hər hansı birinə qarşı hiperhəssaslıq;

Anamnezdə digər beta-laktam antibiotiklərə qarşı ağır dərəcəli sürətli gedişli hiperhəssaslıq  reaksiyaların  olması.

İstifadə qaydası və dozası:

Müalicənin davametmə müddəti infeksiyanın növündən və xəstənin reaksiyasından asılıdır və mümkün qədər qısamüddətli olmalıdır. Bəzi infeksiyaların müalicəsi üçün daha uzunmüddətli müalicə tələb olunur.

Amoksi-denk daxilə qəbul üçün nəzərdə tutulmuşdur.

Amoksi-denk-in sorulması qidadan asılı deyil.

Təsiredici maddələr:

1 tabletdə 1000 mq amoksisillinə ekvivalent 1148 mq amoksisillin trihidrat vardır.

Köməkçi maddələr:

makroqol 6000, kroskaramelloza natrium, maqnezium stearat, susuz kolloidal silisium dioksid.